Жайдын аптаптуу күндөрүндө багбандардын мээнети менен өсүп жаткан жашылча-жемиш — ден соолуктун гана эмес, табигый тазалыктын да булагы. Химикаттар колдонулбай айылдын бакчаларынан түз дасторконго келген табигый даамдардын адам организмине тийгизген пайдасы тууралуу төмөндө сөз кылабыз.

Аптаптуу күндө мээнет менен сугарылып өскөн ар бир жемиштин пайдасы чексиз:
Жаңы үзүлгөн алма, алмурут, өрүк жана помидор, бадыраң сыяктуу башка жашылчалар витаминдерге (A, C, E) жана минералдарга бай. Алар адамдын иммунитетин көтөрүп, жайкы ысыкта денени сергитет.

Дүкөндөрдөгү химиялык жер семирткичтер менен өстүрүлгөн азыктарга караганда, айылдагы бакчадан чыккан жашылчалар экологиялык жактан таза жана коопсуз.
Курамындагы табигый булалар (клетчатка) тамак сиңирүүнү жакшыртып, жүрөк-кан тамыр системасынын иштешине көмөктөшөт.

Айылдын берекелүү жашылча-жемиштерин жеп жатып, анын артында турган багбандын аптаптагы оор мээнетин, ар бир тамчы суунун кадырын билүү — ар бирибиздин милдетибиз. Сапаттуу жана табигый азык гана адамга чыныгы ден соолукту тартуулайт.

Даярдаган: Айжаркын Болотбекова.