“Чолпон” жамааттык мультимедиа борбору
Кочкор району, Чолпон айылы
Бүгүн 1-сентябрь Билим күнү. Коронавирус пандемиясына байланыштуу билим берүү системасы аралыктан окутууга өткөнү барыбызга белгилүү. Ал эми башталгыч класстагы 1-класстын окуучулары мектепке барып окуй тургандыгы тууралуу, билим берүү министрлигинен кабарланган.
Кочкор районунун Чолпон айылындагы Корчубек Акназаров атындагы орто мектепте 1-сентябрь билим күнүнө карата башталгыч класстын окуучулары үчүн чакан майрамдык кече уюштурулду.
Корчубек Акназаров атындагы орто мектебинин 1-класска аттанып жаткан окуучулары
Чакан уюштурулган майрамдык кечеге класс жетекчилер жана мектеп босогосун аттап жаткан окуучулардын ата-энелери гана күбө боло алышты
1-класстын окуучулары коңгуроо кагып жаткан учур
Санитардык эрежелерди аткаруу эстен чыккан жок
Быйылкы 2020-жылы Корчубек Акназаров атындагы орто мектептин босогосун 75 окуучу аттады.
Перизат Таштанова